Euskal Herria baserritar bikainen lurraldea da, eta belaunaldiz belaunaldi mendeetako jakintzan oinarritu da. Baserritar bakoitzak bere ohiturak, bere izaera eta gaitasunak dituen arren, heldu da guztien artean trebeenak aurkitzeko garaia: nor ote da Euskal Herriko baserritar onena?

ETB1-eko lehiaketa berriak “Baserria” izena du. Reality honetako 20 parte-hartzaileak (10 gizon eta 10 emakume) benetako baserri batean biziko dira, landa-eremuko egunerokotasun gogorrari aurre eginez. Kapitulu bakoitzean, baserrian egoteko gakoa trebetasun- eta gaitasun-probetan egongo da, baina baita bizikidetzan ere. Ondorioz, tentsioa, emozioa, sufrimendua, haserreak eta une dibertigarriak bermatuta daude reality berritzaile honetan.